rumbo pena
m’a reserva
un biaha rumbo pena
aki dos tres siman
mi ta baha
den holó di lamungras
drenta santana poko poko
pa no stroba lagadishi
pa no trapa yerba shimaron
si mi kurason ta duna
mi por yega te patras
fin di berea
aya lo mi korda e kansion
ku nan sa kanta pa mi drumi
aya lo mi bira blachi
di mi hubentut
aya lo mi konta ken a sobra
aya lo mi pidi
totolika konsolami