Bai Bin
Nos a yega dja leu:
Makassar
Elmina.
Pega na sùit,
despues sali pa nòrt.
Tur maleta frañá i machiká.
Niun bunita manera e baul bèrdè
di papa, ku adorno di koper.
Yen di holó eksótiko i storia
di e yonkuman ku a krusa ekueter
deferente bes.
Nos ta bai i bin.
Sin sosiegu.
Trompeká riba idioma,
kareda di obstákulo
riba identidat.
Balansá riba etnologia.
Alusiná.
Buska.
Sin sosiegu.