Rogelia
mei mei di un kantidat di pes’i seda
b’a kumpli shete anja
holo di kamfer pa bo ta sinonimo pa
shantung
organsa
tafetan
sala yen’i florero ku plum’i powis
balia riba kuer’i tiger
hari pa su wowo karga
hari pasobra su djente ta peligroso
kana bula den hofi yen’i eskultura
despues
hopi despues
ùniko imagen riba bo retina
e mucha di piedra
kabes kologa patras
un trosh' i dreifi
riba su boka habrí