Tree

Konmemorá

No tin basta dia den un aña

pa konmemorá un i tur.

Pensa riba nan chisté,

muhenan rebelde ku ta

kana na kabes den kaya

kaminda machismo ta manda.

Nan hep hanchu den katuna kolorido

manera pankarta sin palabra

ku ta nifiká: salbabida.

Esnan ku ta pone mesa mainta

ku Ovamaltine i pap'i kuèkerot.

Despues dje sunch'i gèmber i kané

yama ayó rumbo bùs'i skol.

Esnan ku ta tofer fiesta inolvidabel

ku kakiña i piñata den fragansia'i tamarijn.

Esnan ku ta duna lès sin krèit ni pizarin:

Sa unda bo ke bai. Plania bo ruta.

Pone promé paso. Tene trayekto.

No hala atras pa ningun.